384                TESTAMENTS ENREGISTRÉS AU PARLEMENT DE PARIS            (624)
Item, je laisse à Perrette,ma chamberiere, dix frans,
Item, je ordonne, que ou cas que mon mari yra de vie à Irespasse-ment avant que moy, que mon corps soit enterré avecques le sien, se il est enterré à Paris, ou se il n'est enterré à Paris, que il soit mené en quelque place où le sien sera enterré, et se je vois de vie à trespasse-ment avant que lui. je vueil qu'il soit enterré là où mon dit mari ordon­nera.
Item, je vueil que, la journée que le corps sera enterré, en l'eglise où il sera enterré soient chantées de chascune ordre Mendiant seize messes.
Item, que se en la parroisse Saint Severin le corps n'est enterré, je vueil que en aucun jour soient chantées vigilles à neuf leçons, et une haulte messe et huit basses messes des chapellains de l'eglise, et que il y ait quatre grans cierges aux quatre quinès du poile.
Item, je ordonne deux anuelx, ung en l'eglise où le corps sera en­terré, et l'autre à Saint Severin.
Item, je vueil que au corps porter en terre soient treize povres, por­tans chascun une torche et en chantant le service.
Item, je vueil que, la journée que le corps sera enterré, soient don­nez et distribuez trente frans aux povres.
Item, je laisse à l'eglise Saint Severin, pour l'euvre de l'eglise, huit Ira ns.
Item, aux clers de l'eglise deux frans.
Item, je laisse aux dames de Saincte Avoye, à la Chapelle Haudry, au Saint Esperit de Greve, à chascun seize solz, par tel qu'ilz diront vigiles et messe.
Item, à toutes les confraries dont je suis, à chascune seize solz.
Je ordonne mes executeurs, mon filz Jaquet, maistre Estienne des Portes et maistre Guillaume l'Aillier, et les deux d'iceulx, etsoubzmès mon testament à la voulenté de mes diz executeurs.
Item, je laisse à ma suer Jehanne cent escuz en or et mon manteau fourré de gris.
Item, à suer Jehanne de la Saussoye une houppellande de pers et une penne, tele que il plaira aux executeurs.